最近睇到一則小知識，頗為有趣，如下：

屬於熊族嘅熊貓，本來係食肉目，裂牙犬齒可切割肌肉組織，使熊貓依然能夠食肉。肉食動物有種感知鮮味嘅受器基因，叫 Tas1r1，但熊貓嘅 Tas1r1 發生變異，使佢哋覺得啲肉唔好食。科學家推測，係由於冰河時期嘅熊貓祖先被迫要面對一道生死抉擇：

要再強化競爭力，成為更強大嘅獵食者，定係要放棄既有優勢而另闢蹊徑呢？

熊貓最終選擇咗後者，仲係連草食動物都唔想要嘅竹子，由此擺脫了咗食物鏈之中嘅強烈競爭，從此就過住每日用18個鐘嚟食嘢而又無須努力嘅幸福生活。

筆者一向係認同人與社會都應該以生存壯大為目的嘅主張，因為你唔變強、唔去爭，其他勢力就會走嚟搶。但係，熊貓嘅生存法則倒係好值得一啲本來已經有一定實力，但陷入咗發展樽頸嘅人們參考。

好多人都只係睇到「我不想努力了」呢一點，然而，熊貓祖先本來就已經係好努力地成為過數一數二嘅食物鏈頂層，體形龐大又有各項足以摧毀敵人嘅武裝，躺平地不爭不搶吃竹子其實都係相對安全且舒適。所以佢哋嘅「不想努力」，係時勢使然。因為食物資源實在太少，即使變成最強都未必足以生存，就如劍齒虎。

亦即係話，當竭力追求進步與強大都無法突破困境嘅時候就應該停止，先思考自身並建立新節奏，另闢蹊徑地繼續生存。

放棄優勢，並唔係指拋棄一切，而係用創新與突破嚟適應新時代嘅劇變，並且擁有承認往日嘅優勢已經唔一定仲係優勢嘅自我覺察。將維持舊優勢嘅資源投放到未有發展嘅其他方面，再變成全新嘅優勢，咁就更有利於日後嘅生存壯大。

講到尾，就係一個問題：「你是否願意放棄一直以來嘅驕傲去重新適應？」呢個舊世界嘅秩序開始崩裂，即使你唔想面對，最終都會迫到埋嚟要面對，所以越早思考、準備、改變就越好，同時千萬唔好抱著「不要努力」嘅壞態度。

作者：辣椒F

想法和做人都是小辣椒，涉獵不同有趣圈子，對人生規劃和世事處理有獨到的一套看法。