壽司郎嘅優勢，就係飲食業之中高科技少人力嘅極致。屁孩所做嘅，正正就係打蛇七寸，將其成功之處變成致命缺點。然而，破滅嘅意義之一，就係有一個重生嘅機會。

現時喺網絡新時代裡，作為公司高層，我哋隨時都會面對類似嘅風險，真係咁突如其來嘅毀滅式打擊。所以呢件事對我嘅教訓就係：

行出嚟做生意就隨時都要有被毀滅嘅覺悟，從而煉成一種更堅強嘅心理質素，能夠極速捉住機會並重生而成為更強大嘅結構。

仲有就係，現今從商與從政越嚟越相似，不論係風險還是回報，尤其是需要面對大量客群嘅業務，解決及提防滅亡危機嘅方案就應該由法律及道德規範改為使用政治手段，也就必須喺商業頭腦之中加入政治智慧。

我又見到，壽司郎除堅持提告、有民眾自發消費支持及媒體大事報導等周邊之外，全部真正及自覺受害嘅每一方面都依然未掌握到「破滅與重生」嘅要義。

今次被破滅嘅，係「信心」，所以「重建」信心係由負開始，但「重生」就係谷底反彈。但要點樣「重生」呢？首先，就係要理清自己所受害嘅社會浪潮係如何形成，否則無法對症下藥，明知食藥無用都只能暫且頭痛醫頭。

好明顯，壽司郎本公司純粹堅持提告完全係無效，只不過係一個聊勝於無嘅姿態。屁孩父母亦只係普通人，基本上佢哋全家只要依照大和傳統去切腹自殺，成件事就可以完咗，連講都唔會再有人講，壽司郎到時連乘勢重啟嘅機會都唔會再有。

作為願意排隊嘅擁躉，喺壽司郎都有過奇蹟般美妙嘅約會，所以我嘅建議會係：

1. 一人一個與壽司郎有關嘅美麗回憶，選出一批最受落嘅故事盡快拍成廣告周圍洗版式咁賣。

2. 即時更改店面配置，使破壞者無機可乘。

3. 加固海外業務，以防在日業務實在受不住打擊。

4. 以社會歪風受害者嘅身份嚟貢獻社會：聘請更多青年長工，並搭建清晰的晉升階梯與賞罰制度，借此大力標榜自己能為老實純善嘅社會新鮮人提供得到平凡幸福甚至係成功嘅機會，從而協助國家對抗抖音所造成嘅社會歪風，乘勢爭取更廣泛支持。

每次發生與決策及執行有關嘅新聞，我都會不由自主咁諗：「如果係我會點做？」呢一點，都係從商者所必需養成嘅習慣。

作者：辣椒F

想法和做人都是小辣椒，涉獵不同有趣圈子，對人生規劃和世事處理有獨到的一套看法。