從不同世事，可以看到人生和團隊規劃，如不想或不懂順應時勢，就會後退。台灣選舉，民進黨大敗係因為贏嘅條件已經隨時代而改變。

點解民進黨輸成咁？

其實有無人諗過，就係因為民進黨嘅候選人成日強調自己「好」，而且事實上又真係非常「好」。吊詭嘅係，啲選民會選國民黨，或者投唔落而選擇不投票。

最近一兩年接觸到嘅人事物，使我終於都明白一點：果啲唔好嘅人係佔大多數，所以佢哋唔會鐘意啲好嘅人。

用傑出精英嘅形象出嚟選，佢哋完美就即是嘲諷緊呢啲失敗者嘅人生，對比出大多數人嘅失敗，於疫情之中低落失意之可悲。咁嘅情景，果啲唔好嘅人又點會想投俾民進黨呢？佢哋只係想要一啲自己喜歡、有共鳴感，似個土包嘅人可以選上去，感覺自己都好似會有出頭天。

最差嘅人都可以選到，對呢啲市井大眾而言反而係一種希望。佢哋想睇嘅係，被恥笑之人嘅大逆襲，而唔係精英們贏完又贏。

喺呢個急速滑落嘅時代，全無信心能夠自己打出一片新天嘅人、自甘墮落嘅人、認命不上進嘅人，就係會特別痛恨果啲仍然想戰鬥到底、力爭上游嘅人，因為後者有希望，更加襯得前者陷入青春倒數之絕望可悲。

所以我好同意某作者所言，要以劣幣驅逐劣幣之說，甚至，我認為要用更劣嘅幣去做，因為多數人嘅人性只會隨著時勢更劣而越加惡劣，比劣幣好一點點，就已經係死罪。

往日被認為係對選舉有利嘅好條件，已經倒過來成為致命硬傷，因為啲人已經唔再有追求，而係想拉著每一個人去同佢哋一齊墮落。

現在，喺大時代裡竭力做好自己、爭取榮耀，就已經是對墮落之人最大嘅嘲諷。

然而，我哋可以嘗試捫心自問，到底要為一時勝利而媚俗從眾，還是忍受長年嘅失意咁去追求真善美呢？

作者：辣椒F

想法和做人都是小辣椒，涉獵不同有趣圈子，對人生規劃和世事處理有獨到的一套看法。